Nigeriyada "serle çir"
Kano töbägendä xalıq küpläp ülä başladı
Nigeriyanıñ Kano töbägendä 5 atnada “serle çir”dän 979 keşeneñ ğomere özelde. Bu xaqta sälamätlek saqlaw ministrı Osagi Êxanire matbuğat cıyılışında belderde. Anıñ äytüençä, ülüçelärneñ arasında mediśina xezmätkärläre häm räsmi zatlar küp.
Ministr töbäktä 3 kön êçendä älegä añlaşılmağan serle çirdän 150 keşeneñ wafat buluınnan soñ cirlekkä tikşerenüçe törkem cibärelüen belderde. Alar ğomere özelüçelärneñ kübeseneñ 65 yäş’tän ölkän buluın, ülemnärneñ 50-60%ınıñ koronavirus belän bäyle ikänen citkerä.
Kano idaräse töbäktä päyda bulğan serle çirneñ êlegräk Kovid-19 bulmawın beldergän ide. Ülemnärneñ yuğarı qan basımı, diabet, meningit häm bizgäk şikelle xastalıqlar belän bäyle buluı äytelde.
Xökümät, kizüne çikläw öçen, aprel’ ayında uramğa çığunı tıyğan ide.
