İzrail Germaniyä ministrına ayaq çaldı

İzrail idaräse koronavirusqa qarşı çaralarnı sıltaw itep Germaniyä tışqı êşlär ministrı Xeyko Maasnıñ Fälästingä yasayaçaq säfärenä röxsät birmäde.

Haaretz gazetında urın alğan xäbärgä qarağanda, Maas Yordannıñ basıp alınğan könbatış üzänlegendäge qanunsız yähüd toraq punktları häm Yordan üzänlegeneñ ber’yaqlı annekśiyä planı mäs’äläsendä Tel’-Aviv idaräsen kisätü öçen çärşämbe könne İzrailgä kiläse ide. Şunnan soñ ul Fälästin tarafına da çığarğa planlaştırdı.

İzrail yağı isä Maasnı, Ramallaxqa kitsä, aêroportqa baru öçen kire Tel’-Avivqa qaytqanda, ike atna karantinda qalırğa turı kiläçäge turında kisätte.

Ministr, İzrailneñ bu poziśiyäse säbäple, Ramallaxqa barmasqa buldı. Ul Fälästin wäqalätleläre belän videokiñäşmä yärdämendä söyläşergä qarar qıldı.