AQŞta Floydnıň ülemenӓ hӓm poliśiya qırıslığına rizasızlıq belderü däwam itä

Amerika Quşma Ştatlarında Djordj Floydnıñ 26 nçı mayda Minnesota ştatında poliśiyäneñ köç qullanuı arqasında ülüenä rizasızlıq belderülӓr artu sӓbӓple Vaşingtonda 1300 bulğan milli gvardiyӓçegӓ tağın 1500 östӓmӓ köç cibӓrelgӓn.

New – York poliśiya departamentı qalada protestlar waqıtındağı talawlar arqasında yaqınça 700 keşeneň qulğa alınuın beldergӓn.

Waqıyğalarda 10 nan kübrӓk poliśiya xezmӓtkӓre yaralanğan, 10 nan kübrӓk poliśiya avtomobile zıyan kürgӓn.

Şӓhӓrneň dönyakülӓm tanılğan sӓwdӓ uramı 5 nçe prospekt, Soxo hӓm Geral’d mӓydanındağı zinnӓtle kibetlӓrne talaw sӓbӓple komendant sӓğӓte atna dӓwamında ozınaytılğan.

Texastağı 25 meň rizasızlıq belderüçegӓ Djord Floydnıň ğaila ӓğz’aları da quşılğan.

Kaliforniyӓdӓ isӓ meňnӓrçӓ keşe milli gvardiyӓçelӓr urnaştırılğan şartlarda protestların dӓwam itterӓ.

Aq Yort hӓm anıň tirӓ yağında poliśiya kiň qurqınıçsızlıq çaraları kürgӓndӓ, Aq Yort qarşındağı Lafayet parkı protestçılar kermӓsen öçen ozın timer qoymalar belӓn ӓylӓnderep alınğan.

Yaqınça 15 meň keşeneň Floydnıň ülemenӓ hӓm ildӓge poliśiya qırıslığına rizasızlıq belderüe, protest çaralarınıň qalada uramğa çığu tıyılğannan soň da dӓwam itüe citkerelӓ.

Armiya Vaşington tirӓsendage xӓrbi bazalarğa da östӓmӓ köç cibӓrgӓn.

Ğaskӓrlӓr xӓzerge êtapta bernindi qatışu başqarmıy ,alar saqlıq çaraları qısasında töbӓkkӓ cibӓrelgӓn.

AQŞ sӓlamӓtlek saqlaw departamentı başlığı Djerom Adams il külӓmendӓ protestlar arqasında Kovid -19 taraluda artış kötülӓren beldergӓn.

Ul rizasızlıq belderüçelӓr bitlek kisӓ dӓ sośial’ distanśiyӓneň saqlanmawn assızıqlağan.

Berlӓşkӓn Millӓtlӓr Oyışması ğomum sӓrqatibe Antonio Guterriş “New -Yorkta köç qullanunı kürü bik qızğanıç” dip beldergӓn.