Burundi belgeçlärne qua
Bötendön’ya sälamätlek saqlaw oyışması xezmätkärläre ildän kitäçäk
Könçığış Afrika ile Burundi Bötendön’ya sälamätlek saqlaw oyışmasınıñ ilendäge wäkile belän 3 belgeçen persona non-grata itep iğlan itte häm 3 kön êçendä ildän kitüläre öçen nota birde.
Tışqı êşlär ministrlığınnan Bötendön’ya sälamätlek saqlaw oyışmasınıñ Afrika byurosı belän Burundi byurosına cibärelgän yazma notada oyışmanıñ Burundidağı wäkile Uolter Kazadı Mulombo belän 3 belgeç Dêniel Tarzi, Ruxana Mirindi Bisimwa häm Djin P’yer Mulunda Nkatanıñ 15 mayğa qadär ildän kitüläre soraldı.
Notada älege keşelärneñ ildä telänmäwe citkerelde.
Bötendön’ya sälamätlek saqlaw oyışması xezmätkärläre 20 may könne oyıştırılaçaq ğomüm saylawdan alda ilneñ êçke êşlärenä qatışuda ğayeplänä.
Soŝial’ mediada Burundi xökümäte qabul itkän qararğa xuplaw kürsätelde häm Bötendön’ya sälamätlek saqlaw oyışmasınıñ Afrika qıytğasında koronavirustan kübräk can alğan bizgäk öçen dä kiräkle êşçänleklärne alıp barmawı citkerelde.
Kovid-19dan ber keşe ülgän, 7 keşe sawıqqan häm aktiv oçraq sanı 7 bulğan ildä kizügä qaramastan saylaw kampaniyase oyıştırıla.
