Küçenergä mäcbür bulğannar...

Dön’yada bäreleş, dähşät häm afätlär arqasında tulayım 50 million 800 meñ keşe il êçendä yäşägän urınnarın taşlap kitärgä mäcbür buldı. Säbäplär arasına monnan soñ  Kovid-19nıñ da kerteläçäge xaqında kisättelär.

Şveyśariyädäge İl êçendäge küçenülär monitoringı üzäge dön’yakülän xisap xäzerläde. Anda 2019nçı yılda Mozambik, Malavi, Madagaskar, Zimbabve, AQŞ, Kanada, Bangladeş häm Hindstanda ğarasatlarnıñ, Kön’yaq Sudanda isä su basu hälakäteneñ keşelärneñ yäşägän cirennän küçenüenä säbäpçe buluı äytelä.

Ä menä Süriyä, Kongo demokratik cömhüriyäte häm Êfiopiyädä berär millionnan artıq watandaş bäreleşlär häm dähşätle waqıyğalar arqasında yortların taşlap kitärgä mäcbür bula.