NATO Ӓfganstanda qırıslıqnı kimetergӓ çaqırğan
NATO:"Xӓzer dӓwam itterelӓ ala torğan tınıçlıq öçen êşkӓ kereşü waqıtı"
NATO Ӓfganstanda solıx öçen alıp barılğan söylӓşülӓrneň tarixi forsat buluın belderep barlıq yaqlarnı qırıslıqnı kimetergӓ çaqırğan.
Oyışmanıň bu xaqtağı belderüendӓ barlıq Ӓfganstan sӓyӓsi liderlarınıň berdӓm bulıp problemalarnı çişülӓre, tınıçlıq urnaştıru öçen tırışuları talӓp itelgӓn.
Belderüdӓ Talibannıň soňğı dӓwerdӓ qırıslıq waqıyğaları başqaruın, köç qullanuın qabul itep bulmaw assızıqlanğan hӓm “Talibannı aşığıç rӓweştӓ qırıslıqnı kimetergӓ hӓm söylӓşülӓrneň qabat başlawı öçen kirӓkle şartlar buldırırğa çaqırabız”diyelgӓn.
NATO belderüendӓ koronavirus kizüeneň utnı tuqtatunıň ӓhӓmiyӓten tağın da açıq kürsӓtüe ,NATOnıň Ӓfganstan xalqı hӓm iminlek köçlӓrenӓ yaqlaw kürsӓtüne dӓwam itterӓçӓge belderelӓ hӓm “Xӓzer dӓwam itterelӓ ala torğan tınıçlıq öçen êşkӓ kereşü waqıtı” yullaması yasalğan.
