Nigeriyada üç alu: 47 ülem

Nigeriyanıñ tön’yaq-könbatışında oyıştırılğan höcümdä 47 keşeneñ ğomere özelde. Bik küp keşe yaralandı.

Katsina töbäge poliśiyä idaräse başlığı Gambo İsa beldergänçä, monı kemlekläre bilgesez qorallı keşelär yasıy. Alar Dutsinma, Danmusa häm Safana cirleklärendä üç alu oyıştıra. Çönki qorallı törkemnär monnan alda da töbäktä höcümnär oyıştırırğa mataşqan, ämma cirle xalıq alarnıñ yulına arqılı töşkän. Şuña kürä bu üterülärneñ üç alu maqsatlı buluı uylanıla.

Gambo İsa yaralanuçılarnıñ xastaxanä salınuı, höcümdä citdi zarar barlıqqa kilüen belderde. Töbäktä cirdän häm hawadan operaśiyä başlanğan.

Nigeriyanıñ tön’yaq-könbatışında terlekçelek belän şöğıl’länüçe fulanilar belän fermer qabilälär arasında yış qına köçle bäreleşlär bula.

Qorallı törkemnär dä älege bäreleşlärdän faydalanıp höcümnär oyıştıra.