AQŞ Qıtayğa millionlağan bitlek satqan

Koronavirus belän köräştä mediśina kiräk-yaraqları ixtiyacı toyuçı AQŞnıñ ğıynvar häm fevral’ aylarında Qıtayğa millionlağan bitlek häm saqlawçı kiyem satuı turında söylilär.

“Washington Post” gazetındağı xäbärgä qarağanda, ilneñ säwdä ministrlığı şirkätlärgä mediśina kiräk-yaraqların Qıtayğa niçek sataçaqları turında mäğ’lümat birgän. Şunda uq AQŞnıñ Pekindağı ilçelegendä xezmät ittüçe säwdä attaşesınıñ 3nçe martta cibärgän êlektron xatı da urın ala. Anda mediśina kiräk-yaraqların Qıtayğa êksportlaw turında süz bara.

AQŞ awırularnı kontrol’dä totu häm profilaktikalaw üzäge mäğ’lümatlarına qarağanda, ildä 2nçe aprel’dän birle 9 meñnän artıq mediśina xezmätkäre Kovid-19dan zarar kürde häm 27se virus säbäple ülde.

Amerika Quşma Ştatlarında uzdırılğan soraştıruğa qarağanda, cirle xakimiyät başlıqlarınıñ yaqınça 90%ı şähärlärendä citärlek test komplektı, bitlek häm saqlawçı mediśina kiräk-yaraqları bulmawın beldergän.