Dön'yadağı iñ ozın xaywan

Dön’yadağı moñarçı bilgele bulğan iñ ozın xaywannı okean töbennän taptılar. Ğalimnär älege açışnı Avstraliyädä yasadı.

Diñgez biologları, Falkor tikşerenü köymäse belän okeannı öyrängändä, Ningalo yarları tarafında 45 metr ozınlığındağı sifonofor oçrattı. Älege urın Avstraliyäneñ tön’yaq-könbatışında. Bu ğalämät ozın sifonofor okean kan’yonında yäşi.

Zooid dip ataluçı keçkenä organizmnar berläşep bawsıman xaywan barlıqqa kiterä. Anı sifonofor dip atıylar. Ul okean töbenä spiral’ räweşendä cäyelä.    

Tikşerenüçelär sifonofornıñ moña qadär bilgele bulğan ürnäkläreneñ iñ küp digändä 40 metrğa citüen belderä. Sonğı açış – cirdäge iñ ozın xaywan bularaq terkälde.