Koronavirus can ala

Kovid-19 kizüe bar dön’yada 75 meñnän artıq keşeneñ ğomeren özde.

Dön’yada virusnı yoqtırğan keşe sanı 1 million 331 meñnän kübräk. Sawığuçılar isä 275 meñnän arttı.

Qıtayda koronavirustan bügen ülüçelär yuq. Viruslılar sanı 32gä artıp, 81740 buldı.

Yaponiyada 7 vilayät’tä ğadättän tış xäl iğlan itelde. İldä virus oçrağı 5 meñnän arttı.

İranda virus 3872 can aldı, Rusiyädä bu san 58 buldı. Virus oçrağı 7497ğa citte.

Ülüçelär sanı 38gä, virus oçrağı 2752gä artqan Soğud Ğaräbstanında 4 vilayät’ häm 5 zur şähärdä uramğa çığu tıyıldı.

İzraildä qurqınıç virus 60 can aldı, awıruçılar sanı isä 9 meñ 6ğa citte. İldä şähärlärara säyäxät bügen töştän başlap 10 aprel’ könenä qadär tıyıldı. 8 aprel’ çärşämbe könne cirle sägät’ belän 18.00 – 07.00 arası uramğa çığu röxsät itelmäyäçäk.

Marokkoda virustan 83 keşeneñ ğomere özelde, viruslılar sanı 1141gä citte. Misırda isä bu sannar  - 85 belän 1322.