NATO cıyılışı uzdı

NATO äğzase illär tışqı êşlär ministrları ittifaqnıñ 70 yıllıq tarixında berençe tapqır videokonferenŝiya aşa cıyılış uzdırdı.

NATO ğomüm särqätibe Yens Stoltenberg 30 tışqı êşlär ministrın oçraştırğan videokonferenŝiya cıyılışı başında qısqa açıqlaw yasadı. Koronavirus kizüeneñ NATOnıñ êşçänlegendä qayber üzgäreşlärgä säbäpçe buluına iğtibar cälep itkän Stoltenberg: “Transatlantik ğailäbez monnan alda mondıy doşman belän oçraşmadı, läkin berlek bulıp teläktäşlek êçendä monı atlata alaçağıbızğa ışanam,” – dide.

Kovid-19 kön tärtibe belän oçraşqan ministrlar şul uq waqıtta xalıqara terrorçılıq, Äfğanstan, Ğiraq belem birü missiyase, Gruziya häm Ukraina kebek törle mäs’älälärne dä qaradı.

Stoltenberg NATO tışqı êşlär ministrları videokonferenŝiyasennän soñ matbuğat oçraşuı da oyıştırıp bolay dide: “Bügen ministrlar NATOnıñ terrorçılıqqa qarşı köräştä yasayaçaq adımnarı mäs’äläsendä kileşte. Bolar arasında Yaqın Könçığış häm Tön’yaq Afrikada totrıqlılıqnıñ urnaştırıluı häm xezmättäşlegebezneñ nığıtıluı bar.”