Antarktikada - tropik urman?

Antarktikada 90 million yıl êlek tropik urman buluına dälil tabıldı.

Skins Dêylinıñ xäbärenä qarağanda, ingliz häm nemeś ğalimnäre älege açışnı Amundsen diñgezendäge Narat utrawı yänäşäsendä qotıp tikşerenü köymäseneñ borawlaw cihazın qullanıp alğan ürnäkne analizlağanda yasadı. Waq börtekle balçıqlı häm utırımlı yuşqın ürnägeneñ 90 million yıllıq buluı açıqlandı.

Ğalimnär ürnäkne tomografiyäle sanaq yärdämendä tikşerde. Qotıpta tabılğan utırımnıñ urman tufrağı, ülän serkäse, orlıq häm, xätta, ağaç tamırı saqlawı ğacäpkä qaldırdı.

Tikşerenü törkemennän professor Tina van de Flirdt bolay di: “90 million yıllıq urmannıñ saqlanıp qaluı ğadättän tış xäl, ämma ul açıp salğan dön’ya tağın da şaqqattıruçı. Kön’yaq qotıpqa yaqın cirlektä xätta qarañğı aylarda da sazlı, cılı yañğır urmannarı üsep çığa alğan. Bu bez kötkännän tağın da cılı klimat buluın kürsätä”.

Tikşerenü, monnan tış, 115 - 80 million yıl êlek Aqbur çorında atmosferadağı uglerod gazı däräcäse yuğarıraq bulğan digän fiker tudırdı.