İtaliyädän Germaniyägä awırularnı taşıylar

Germaniyä İtaliyädän üzenä däwalaw öçen xastalarnı alıp qayta başladı. Bu êşne ilneñ hawa quätläre başqara. Alar İtaliyäneñ Bergamo şähärennän koronaviruslı awırularnı alıp Germaniyägä kiterde.

Aşığıç yärdäm oçqıçı Köln-Van xärbi aêroportına töşep utırdı. Awırularnı Boxum häm Bonndağı xastaxanälärgä alıp kittelär.

İtaliyädä reanimaśiyälärdä citärlek urın häm sulış apparatları bulmaw arqasında, bik küp xasta tabiblar tarafınnan qaralmağan xäldä ülä. Şuña kürä il Germaniyädän yärdäm soradı.