Şengennıñ 25 yıllığı

Awrupa illäre arasında irekle säyäxätne täêmin itüçe Şengen kileşüe 25 yıllığın, koronavirus kizüe säbäple, çik buyı kontrol’läre belän qarşıladı.

Ul Lüksemburgnıñ Şengen şähärçegendä 1985nçe yılnıñ 14nçe iyünendä imzalana häm 1995nçe yılnıñ 26nçı martında ğamälgä kerä. Şengen kileşüe yärdämendä bik küp Awrupa däwläte arasında çik buyı tikşerüe uzmıyça säyäxät itä başlıylar.

Başta kileşü Bel’giyä, Franśiyä, Germaniyä, Niderland häm Lüksemburg arasında imzalana. Yıllar ütkän sayın aña başqa Awrupa illäre dä quşıla.

Şengen töbäge xäzerge waqıtta Germaniyä, Avstriyä, Bel’giyä, Çexiyä, Daniyä, Êstoniya, Finlyandiya, Franśiya, Greşiya, Vengriya, İtaliya, Litva, latviya, Lüksemburg, Mal’ta, Niderland, Pol’şa, Portugaliya, Slovakiya, Sloveniya, İspaniya, Şveśiya, İslandiya, Lixtenşteyn, Norvegiya häm Şveyśariyanı üz êçenä ala.

Ämma koronavirus kizüenä çik quyu maqsatınnan bik küp Awrupa däwläte çiklärne yabu qararı çığardı.

İrekle säyäxätneñ betüe Awrupanıñ integraśiyälängän täêminat çılbırında xilaflıqlar kiterep çığardı, tovar häm xezmätlärneñ ağımında özekleklärgä säbäpçe buldı.