G20 liderlar sammitı uzdı
Ul ğadättän tış ide häm videoêlemtä aşa bardı
Törkiyä ilbaşı Räcäp Tayyip Ärdoğan koronavirus säbäple uzğan G20 liderlarınıñ ğadättän tış sammitında qatnaştı. Ul videokiñäşmä räweşendä uzdı.
2 säğat’ 15 minut barğan sammitta tübändäge qararlar çığarıldı:
- İxtiyacı bulğan barlıq illärgä yärdäm iteläçäk häm finans çaralar mäs’äläsendä koordinaśiyä täêmin iteläçäk.
- Kizüne kontrol’ astına alu öçen kiräkle barlıq sälamätlek saqlaw çaraları küreläçäk häm citärlek finans bülenäçäk.
- G20 däwlätläre koronavirus kizüen ciñü öçen böten köçen quyaçaq.
G20, Törkiyädän tış, Germaniya, AQŞ, Argentina, Avstraliya, Braziliya, Qıtay, İndoneziya, Franśiya, Kön’yaq Afrika, Kön’yaq Koreya, Hindstan, Angliya, İtaliya, Yaponiya, Kanada, Meksika, Rusiya, Soğud Ğaräbstanı, Awrupa Berlege komissiyäsennän tora.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar