Franśiyä Ğıyraqtağı ğaskärlären çığardı

Franśiyäneñ DEAŞ terrorçı oyışmasına qarşı AQŞ citäkçelegendäge xalıqara koaliśiyädä xezmät itüçe ğaskärlären Ğıyraqtan çığaruı belderelde. Bu xaqta Ğıyraqnıñ räsmi xäbär agentlığı İNA xäbär itä. Ul 29nçı noyabr’dä wazıyfasınnan kitkän xökümät räise häm generalissimus Adil Abdulmäxdineñ xärbi süzçese Abdulkärim Xalef süzlärenä tayana. Wäqalätle zat äytüençä, franśuz köçläre Ğıyraqtan xökümät belän yasalğan kileşü nigezendä kitte. Xalef alarnıñ ildän çığu säbäbe turında beldermi.  

Çex cömhüriyäte saqlanu ministrlığı da kiçä, koronavirus yanawınıñ üsüe häm koaliśiyä köçlärenä qarşı höcümnär artu arqasında, Ğıyraqtağı ğaskärlären çığaruın beldergän ide.