Rusiyädä cirteträw

Rusiyäneñ Yıraq Könçığış Federal’ okrugında urnaşqan Kuril utrawlarında 7,5 ball zurlığında cirteträw barlıqqa kilde.

AQŞtağı Geologiya tikşerenüläre oyışması Kuril utrawlarına bäyle Severo töbägeneñ 213 çaqrım kön’yaq könçığış kiñlegendä barlıqqa kilgän 7,5 ball zurlığındağı zilziläneñ 56,7 çaqrım tiränlektä küzätelüen citkerde.

Tın Okean Ŝunami üzäge Severo, Saxalin häm AQŞnıñ Gavayi utrawı öçen ŝunami kisätüe yasadı.

Rusiyäneñ Ğadättän tış xällär ministrlığınnan yasalğan açıqlawda cirteträwdän soñ kiräkle êşçänlekneñ başqarıluı belderelde häm: “Berençe mäğlümatlarğa kürä ülüçe häm yaralanuçı yuq, salınğan zıyan da kürenmi,” – dip äytelde.

Açıqlawda ŝunami qurqınıçı arqasında yaqınça 400 keşeneñ töbäktän imin urınğa küçerelüe häm tübändäge yullar urın ala: “Severo-Kurilskta zilzilädän soñ barlıqqa kilgän ŝunami 50 cm zurlıqta ide. Ŝunami qurqınıçı däwam itä.”