Xantavirus qurqıttı

Qıtayda tıçqannardan yoğuçı xantavirus tabılğan ber keşe yaqtı dön’yadan kitte.

Bu waqıyğadan soñ Kovid-19 çıqqan ildä yaña kizü qurquı barlıqqa kilde.

Qıtaynıñ räsmi media oyışması Global Tayms beldergänçä ilneñ könbatışındağı Yunnan vilayätendä xantavirus kürelgän ber keşe Şantung vilayätenä êş säfäre belän barğanda avtobusta ülde.

Xäbärdä avtobustağı 31 keşegä testnıñ yasaluı belderelde.

Global Tayms xäbärennän soñ soŝial’ mediada yaña êpidemiyaneñ çığa alaçağı äytelde. Twitterda xantavirus êtiketı bar dön’yada trend buldı.

Tıçqannardan keşelärgä yoğuçı xantavirus “Xantavirus üpkä sindromı” isemle awıruğa säbäpçe bula. Keşedän keşegä yoqmawçı xantavirus kizü qurqınıçı tudırmıy.