Koronavirus hawada da bula ala

AQŞta ütkärelgän tikşerenüdä koronavirusnıñ hawada säğat’lärçä, ösleklärdä könnärçä yäşäwe açıqlandı. Ğalimnär äytkänçä, Kovid-19 yötkerü yäisä töçkerüdän soñ hawada tamçılar xälendä 3 säğat’kä qadär qala.

Tikşerenüdä, şulay uq, virusnıñ plastik häm qorıç şikelle ösleklärdä 2-3 köngä qadär, kartonda 24 säğat’, baqırda isä barı tik 4 säğat’ yäşi aluı açıqlandı.  

Ğalimnär virusnıñ öy yäisä xastaxanädäge ösleklärdä niqadär waqıt yoğa aluçı xäldä qaluın xastanı yötkerü, töçkerü yäisä äyberlärgä qağılu räweşendä qabatlawçı cihaz qullanıp açıqlawların belderde.

Virus öslektä häm hawada ozağraq torğan sayın yoğu säläten dä yuğalta bara.