Koronavirus çigenmi
Kovid-19nı yoqtırğan keşe sanı 150 meñnӓn arttı
Bar dön’yada xӓtӓr virus Kovid-19nı yoqtırğan keşe sanı 150 meñnӓn arttı, Qıtayda kizüdӓn ülüçelӓr 3199 buldı.
Ülüçelӓr sanı 724 bulğan İranda isӓ virus oçrağı 12 meñnӓn arttı.
Kovid-19 diagnozı quyılğan 4339 keşe isӓ dӓwalanıp, xastaxanӓdӓn çıqtı.
Marokkoda virus 18 keşedӓ tabıldı. Xӓzergӓ qadӓr virus kürelmӓgӓn Ğazzӓdӓ Xamaska bӓyle xökümӓt çaralar qısalarında İzrail hӓm Misır belӓn çik buylarınıñ ike yaqlı bularaq yabıluı qararına kilde.
Qurqınıç virus oçraqları Misırda 109, Kuveytta 104, Soğud Ğarӓbstanında 103, Tunista 18gӓ citte.
10 keşeneñ ğomere özelgӓn hӓm 110 keşe virusnı yoqtırğan Ğiraqta Musul şӓhӓrendӓ 2 kön uramğa çığu tıyıldı.
Yordaniyada barlıq belem birü oyışmaları 2 atnağa yabıldı.
Koronavirus kürelgӓn keşe sanı Rusiyӓdӓ 59, Moldovada 12gӓ citte.
Ber keşe ülgӓn hӓm 3 keşe virusnı yoqtırğan Ukrainada Pol’şa belӓn poyezd sӓfӓrlӓre tuqtatıldı.
Üzbӓkstanda da berençe virus oçrağı kürelde.
Qazaqstanda isӓ Kovid-19 8 keşegӓ yoqtı. İldӓ 1400dӓn artıq keşe xastaxanӓdӓ, 545 keşe dӓ öydӓ karantin astında.
Gruziyada isӓ virus kürelgӓn 30 xastadan berse sawıqtı.
Filippinnar başqalası Manilada isӓ tönlӓ uramğa çığu tıyıldı.
İndoneziya başqalası Djakartada belem birü 2 atnağa tuqtatıldı, şӓhӓrdӓge turistik urınnar hӓm küñel açu urınnarı da 2 atnağa yabıldı. İldӓge virus oçrağı 96ğa, virustan ülüçelӓr sanı isӓ 5kӓ citte.
