Greśiyä çik buyındağı xällär

Greśiyä sıyınuçılarnıñ ütüen kirtäläw öçen Kastanies çik qapqasına beton bloklar quydı. Migrantlar Awrupağa kitü öçen çik buyında kötülären däwam itä.

Greśiyä tarafınnan çik qapqasına yök maşinaları belän kiterelgän 1,5 metr biyeklegendäge beton bloklar êkskavatorlar belän kerü yulına urnaştırıldı. Grek iminlek köçläre alarnıñ östenä basıp yaqınlaşuçı sıyınuçılarğa gaz bombası attı. Öçese Törkiyäneñ Pazarkule çik qapqası êçendäge jandarmeriyä berlegeneñ baqçasına töşte.

Grek çik saqçıları sıyınuçılarğa atqan gaz bombalarınıñ täêsiren arttıru öçen maxsus fên qullana başladı. Anı xärbi texnikağa berketkännär. Şunısı da bar, fên barlıqqa kitergän hawa ağımı arqasında gaz bombaları qayçaq kiregä kilep töşä häm grek çik saqçıları anıñ belän üzläre ağulana. Östäwenä, älege gazlarnıñ qullanu waqıtı ütkän buluı da açıqlandı.

Greklarnıñ, äçe gaz häm basım astındağı su tışında, ülem häm yaralanularğa kiterüçe plastik häm çın pulya qullanuları da ser tügel.  

Greśiyä 2 atnada 2 meñ 500gä yaqın sıyınuçını yaraladı. Marokkolı Adil Gazzal, süriyäle Möxämmät Arab häm paqıstanlı Möxämmät Gulzar isä atıp üterelde.