Könbatışta koronavirus

Kovid-19nı dön’ya külämendä 110 meñnän artıq keşe yoqtırdı, ülemnär dä kön sayın arta.

Awrupada koronavirustan iñ zur zıyan kürgän il - İtaliyä. Sonğı räsmi sannarğa qarağanda, anda ülüçelär 366 buldı.

İtaliyädä ber törmädä koronavirusqa qarşı çaralarğa rizasızlıq belderep başlağan çualışlar fetnägä äwerelde. Anda 6 mäxküm ülde.

NATOnıñ Bel’giyä ştabında êşläwçe ber keşedä Kovid-19 açıqlandı. Ul İtaliyägä säyäxät itkän bulğan.

Franśiyädä älege kizüdä ülüçelär sanı - 19, yoqtıru oçraqları isä 1126ğa citte.

İspaniyädä koronavirustan ğomere özelüçelär - 17. Awıruçılar sanı 600dän arttı.

Angliyädä 2 ülem oçrağı terkälde. Kovid-19 diagnozı 273 keşegä quyıldı.

Şveyśariyädä dä 2 keşe ülde. Yoqtıru oçraqları 332gä citte.    

Portugaliyädä 30 koronavirus oçrağı terkälde. İlbaşı Marselo Rebelo de Sousa çirgä qarşı çara bularaq 2 atnalıq programmaların ğamäldän çığardı.

Germaniyädä Kovid-19 diagnozı 902 keşegä quyıldı. Bel’giyädä bu san - 201, Avstriyädä - 99, Greśiyädä - 73, Daniyädä - 35, Çexiyädä - 26, Pol’şada -19, Rumıniyädä -15,Vengriyädä - 7 häm Slovakiyädä - 3.

Albaniyada berençe tapqır koronavirus terkälde.

AQŞta Kovid-19dan ğomere özelüçelär 22gä citte. Alarnıñ 18e Vaşingtonda, 2se Floridada häm berse Kaliforniyädä. İldä awıruçılar sanı - 554. Moña Qıtaynıñ Uxan’ şähärennän êvakuaśiyälänüçelär häm karantindağı yulçı köymäsendä buluçılar da kerä.