Kovid-19 Awrupa buylap atlıy
Awıruçılar zur tizlek belän arta
![Kovid-19 Awrupa buylap atlıy](http://cdn.trt.net.tr/images/xlarge/rectangle/c949/bae7/c4c6/5e60faf667809.jpg?time=1718833065)
Qıtayda çıqqan koronavirus säbäple ğomere özelüçelärneñ sanı AQŞta -12, Franśiyädä - 6, İspaniyädä - 3kä citte.
Franśiyä sälamätlek saqlaw ministrlığınnan yasalğan belderügä qarağanda, ildä Kovid-19nı yoqtıru oçraqları 377 bulğan. Avstriyädä bu kürsätkeç - 40, Germaniyädä isä 349ğa citte. İspaniyädä dä citdi artu küzätelä - yoqtıruçılar sanı 261 bularaq terkälde. Anda 99 yäş’lek ber xatın-quznıñ ğomere özelgännän soñ ülüçelär sanı 3 buldı.
Angliyädä dä ber keşeneñ koronavirustan ülüe belderelde. Şulay itep, älege ildä Kovid-19dan täwge yuğaltu terkälde. Tomanlı Al’bionda yoqtıruçılar sanı 115, alarnıñ 25e başqala Londonda.
Şveyśariyädä täwge ülem terkälde häm awıruçılar sanı 111gä citte.
Portugaliyädä 9 koronavirus diagnozı quyılğan keşe barlığı belderelde. İlneñ TAP hawa yulları Kovid-19 arqasında mart häm aprel’ aylarında 1 meñ oçışnı ğamäldän çığardı.
Niderlandta awıru oçraqları 38dän 82gä citte.
NATOnıñ Bel’giyädäge Mons şähärendä urnaşqan Awrupa berlektäş köçläreneñ yuğarı ştabında êşläwçe 1 keşedä häm ğailäseneñ 2 äğ’zasında koronavirus tabıldı.
Awrupada büränäneñ awır başı İtaliyägä töşte. Anda 148 ülem häm 3 meñ 296 awıru oçrağı terkälde.
Avstraliyädä koronavirus 2 keşeneñ ğomeren aldı, yoqtıru oçraqları - 61. Yaña Zelandiyädä 4 keşegä Kovid-19 diagnozı quyıldı.