Marsnıñ panoramalı räseme
Bu - Qızıl planetanıñ moña qadär töşerelgän iñ centekle küreneşläre.
1372757
NASA Kuriositi tikşerenü apparatınıñ Marsta töşergän fotoların bastırdı. Bu Qızıl planetanıñ moña qadär töşerelgän iñ centekle panoramalı küreneşläre.
NASAdan belderülärençä, älege räsem tikşerenü apparatı tarafınnan 2019nçı yılnıñ 24nçe noyabrennän 1nçe dekabrenä qadär töşerelgän meñnän artıq fotonıñ berläşüennän barlıqqa kilgän.
Kompoziśiyä Mars manzarasınıñ 1,8 milliard piksel’lek küreneşen täêmin itä. Anda apparatnıñ xäzerge waqıtta tikşerü üzäge bulğan Şarp tawınıñ Glen Torridon rayonı kürenä.
Kuriositi 2012nçe yılda Marsnıñ Geyl kraterına töşep utırdı.
Gizüçe robot tikşerenü êşçänlege waqıtında Qızıl planetada êlek mikrobiologik tormış bula aluına nisbätle bik küp dälil cıydı.
