İrannan qaytuçı oçqıçta koronavirus şöbhäse

İrannıñ başqalası Tährannan quzğalıp İstanbulğa taba xäräkät itüçe oçqıç, qayber yulçılarda koronavirus şöbhäse tuu säbäple,  Änkarağa töşep utırdı. 17 keşedä normadan yuğarı temperatura terkälde.

Törkiyä sälamätlek saqlaw ministrı Fäxretdin Koca İrannan ilgä qaytırğa telägän töreklär öçen maxsus säfär oyıştıruların belderde. Ul älege yulçılarnıñ 14 kön küzätü astında totılaçağın äytte.

Älege qısalarda Törek hawa yullarınıñ Tährannan Änkarağa qaytuçı oçqıçında bulğan 132 keşe häm êkipaj berençel kontrol’ häm karantin öçen Zekai Tahir Burak xastaxanäsenä iltelä.   

Bilgele bulğança, 23nçe fevral’dän başlap İran belän cir, timer yul häm hawa yulı transport êlemtäse tuqtatıldı. Barı Törkiyädän illärenä kitärgä telägän iranlılar öçen genä kirtä yuq.

Ministr Koca Twitter säxifäsennän yasağan belderüendä Törkiyädä älegä koronavirus oçrağı terkälmäwen assızıqladı.