Terror höcüme protest itelde

Germaniyaneň Xanau şӓhӓrendӓ çӓrşӓmbe könne oyıştırılğan rasaçı terror höcümen protest itӓr öçen yaqınça 10 meň keşe çara oyıştırdı.

Kurt-Şumaxer mӓydanında cıyılğan meňnӓrçӓ keşe “Terrorçılıq hӓm İslam doşmanlığına qarşı” ütkӓrelgӓn yöreştӓ qullarında terrorçılıqnı lӓgnӓtlӓwçe plakatlar kütӓrep şӓhӓr üzӓgendӓge Marktplatzka yörede.

Törle ictimaği oyışmalar telӓktӓşlek kürsӓtkӓn çarada höcümdӓ ülüçelӓrneň yaqınnarı belӓn ber rӓttӓn Xanau hӓm Germaniyaneň başqa şӓhӓrlӓrennӓn, Awrupanın törle illӓrennӓn hӓm Törkiyӓdӓn dӓ qatnaşuçılar buldı.

Şӓhӓr mӓydanında Qor’ӓn-i Kӓrim hӓm alman telendӓge tӓfsire uqıldı, şulay uq höcüm qorbannarı öçen doğa uqıldı. Terror höcümendӓ ğomere özelüçelӓrneň isemnӓre uqılğannan soň 1 minutqa tınlıq urnaştırıldı.