Koronavirus dön'ya buylap tarala

İrannıñ küp kenä töbägendä Kovid-19 säbäple uqular tuqtaldı.

Tähran, Kum, Ärdäbil, Märkäzi, Xämädan, Kazvin häm Gilan töbäkläre idarälärennän yasalğan belderülärdä virusnıñ taraluın çikläw maqsatı belän başlangıç häm urta mäktäplärdä, universitetlar häm dini belem yortlarında uqularnıñ tuqtatıluı äytelä. Qayber cirleklärdä bu çara 1-2 kön, qaysılarında 1 atna däwam itäçäk. Ämma bu waqıtnıñ ozınaytılırğa mömkin buluı da belderelä.

İldäge barlıq sport yarışları 10 köngä kiçekterelde, mädäni çaralar ğamäldän çığarıldı.

Kuveyt üz watandaşların İrannan êvakuaśiyäli başladı. Monıñ öçen bilgelängän 5 oçqıçtan berse 130 yulçı belän illärenä qayttı.

Kön’yaq Koreyada kizüdän täêsirlänüçelär sanı 556ğa citte. Xäzergä qadär anda 4 keşeneñ ğomere özelde.

İzrail Kön’yaq Koreya başqalası Seuldan oçqıç belän kilüçe yaqınça 200 keşeneñ Tel’-Avivtağı aêroportqa kerüenä röxsät itmäde.      

“The Jerusalem Post” gazetınıñ xäbärenä qarağanda, şul uq oçqıçta qaytqan 12 İzrail watandaşın aşığıç yärdäm maşinaları belän alıp kittelär.

Qıtay matbuğatı virusnıñ inkubaśiyä çorınıñ 27 köngä qadär citä aluın yaza. Uxan’ şähärendäge bar awıruda ul şulqadär bulğan.

Bötendön’ya sälamätlek saqlaw oyışması, xalıqara cämäğat’çelekkä çaqıru yasap, virus taralğan häm, ayıruça, mediśina tarmağı naçar bulğan illärdä qullanu öçen 675 million dollar yärdäm yasaluın soradı.