İrandağı cir teträw salğan zıyan

İranda bügen irtän bulğan cir teträwdä 25 keşe yaralanğan. Bu xaqta ilneñ aşığıç yärdäm oyışmasınnan belderdelär. Zilziläneñ üzäge bulğan Könbatış Azärbaycan töbäge wäqalätle zatı Möxämmät Mäxdi Şäxriyari yaralanuçılarnıñ berseneñ xäle bik citdi buluın xäbär itte. Cir teträwdän zarar kürgän urınnarğa êzläw-qotqaru törkemnäre kitkän.

İran däwlät mediası xäbärlärenä qarağanda, zilzilä 43 awıldağı öylärne cimergän.  

İrandağı cir teträw Törkiyäneñ Van töbägendä bik köçle xis itelde. Anda 8 keşeneñ ğomere özelde. Alarnıñ 3se bala.