Ülüçelär arasında töreklär dä bar
Kiçä Germaniyädä bulğan höcüm turında qayber belderülär yasaldı
1363099
Germaniyäneñ Xanau şähärendäge qorallı höcümdä ğomere özelüçelär arasında töreklärneñ dä buluı farazlana. Anda kiçä kiç 9 keşe üterelde.
Germaniyäneñ federal’ prokuraturası höcümneñ çiktän tış uñçı qaraşlarğa nigezlängän buluın uylıy. “Bild” gazetı yazğança, höcümçe Tobias R. isemle keşe näq’ menä şundıy fikerläre belän bilgele. Anıñ öyendä waqıyğa öçen cawaplılıqnı üz östenä aluın beldergän xat häm video tabıldı. Tobiasnıñ häm ikençe höcümçe sanaluçı tağın ber keşeneñ üle gäwdäse dä şunda ide.
