Möxämmät bin Sälman belän Netan'yaxu oçraşaçaqmı?
İzrail xökümte räiseneñ Soğud Ğaräbstanı prinśı belän oçraşırğa teläwe turında xäbärlär buldı.
Soğud Ğaräbstanı tışqı êşlär ministrı Faysal bin Färxan täxet prinśı Möxämmät bin Sälman belän İzrail xökümäte räise Bin’yamin Netan’yaxu arasında küreşü planlaştırılu turındağı xäbärlärneñ yalğan buluın belderde.
Al-Arabiya telekanalınıñ xäbärenä qarağanda, ministr İzrail matbuğatında urın alğan häm Netan’yaxu belän Bin Selman arasında küreşü ixtimalı turında söyläwçe xäbärlär xaqında bolay dide: “Soğud Ğaräbstanı belän İzrail arasında cıyılış uzdıru planı yuq”.
“Israel Hayom” gazetında 10nçı fevral’dä urın alğan xäbärdä AQŞ tışqı êşlär ministrı Mayk Pompeonıñ Netan’yaxu belän Bin Sälmannı oçraştıru öçen ike däwlätneñ wäkilläre belän söyläşüe belderelä.
“Haaretś” gazetınıñ çärşämbe könne çıqqan xäbärendä dä Netan’yaxunıñ, saylaw mänfäğat’lärenä xezmät itäçäge öçen, ğaräp illäre belän mönäsäbätlären kürsätergä aşığuına iğ’tibarnı cälep itälär.
Anda äytelgänçä, İzrail küzläw xezmäte Mossad başlığı Yossi Koên, milli qurqınıçsızlıq kiñäşçese Meir Ben Şabbat häm viśe-prem’yerlar soñğı könnärdä 2nçe martta uzaçaq saylawlardan alda Netan’yaxunıñ ber ğaräp däwlätenä säfär yasawın oyıştırırğa tırışa. İzrail xökümäte räise oçraşırğa telägän şäxeslärneñ berençese - Bin Sälman dip farazlana.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
