Virusqa yaña isem birelde
Yañaça ataw “yalğış häm tamğa quyuçı” başqa isemnärne qullanunı çikläw öçen kiräk.
Qıtayda çıqqan yaña tör koronavirusqa yaña isem birelde - ul “Kovid - 19” dip yörteläçäk. Bu xaqta Bötendön’ya sälamätlek saqlaw oyışması ğomum mödire Tedros Adxanom Gebreesus belderde. Ul oyışmanıñ Jenevadağı üzägendä uzğan matbuğat cıyılışında: “Xäzer çirgä isem birdek häm ul Kovid-19”,-dide.
Gebreesus äytüençä, alar ber urınğa, xaywanğa, berämlekkä yäisä ber törkem keşelärgä qağılışlı bulmağan, ber ük waqıtta äytüe ciñel häm awıru belän bäyle isem êzlägännär. Ul yañaça atawnıñ “yalğış häm tamğa quyuçı” başqa isemnärne qullanunı çikläw öçen kiräk buluın äytä.
Bötendön’ya sälamätlek saqlaw oyışması ğomum mödire virusnıñ taraluına kirtä bulu öçen mömkin qadär agressiv qarşılıq kürsätergä çaqıra. Monnan tış, ul çirgä qarşı berençe vakśinanı yasawnıñ 18 ayda tämamlanırğa mömkin buluın belderde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy