İzrail köçläre 5 rayon yulın yaptı

İzrail ğaskäriläre yawlaw astındağı Yordannıñ könbatış üzänlegendäge 5 rayon yulın timer bar’yeralar belän yaptı.

Şahitlardan alınğan mäğlümatqa kürä İzrail köçläre Ramallah şähäre könbatışında urın aluçı Nebi Salix, Deyr Ebu Meşal, Deyr Nizam, Abud häm Şekba rayonnarına kerü yulların yaptı.

İzrail ğaskäriläre fälästinlelärneñ bu yullarnı qullanuına röxsät birmiçä bu mäs’älädä bernindi nigeznamä dä kürsätmäde.

Fälästinlelär awır häm ozın yullarnı qullanırğa mäcbür qaldı.

İzrailneñ Kanal 12 televideniyese 6 fevral’ pänceşämbe könne Ramallaxnıñ könbatışında ber İzrail ğaskäriyeneñ açılğan utta ciñelçä yaralanuın citkergän ide.