Afrikada çikertkälär öyere

Könçığış Afrikada yaqınça 3 ay buyı cäyelüçe çül çikertkäläre Keniya, Somali häm Êfiopiyadan soñ Uganda häm Tanzaniyada da kürelde.

Här kön 150 çaqrım yul uza aluçı häm uzğan töbäklärdä igen-basularğa zıyan saluçı çikertkälär cirle xalıqta panikağa säbäpçe buldı.

Zur çikertkä öyerläre küzätelgän Uganda häm Tanzaniyada xalıq reakŝiyalären soŝial’ mediada urtaqlaşa, xökümätlär isä çaqırılmağan qunaqlar belän aşığıç köräşü plannarın êşkä kereşterde.

BMOnıñ Azıq-tölek häm igençelek oyışması çül çikertkäläreneñ azıq-tölek iminlegenä zur yanaw tudıruın häm alarğa qarşı köräş öçen yaqınça 70 million dolarlık aşığıç yärdäm paketına ixtıyacnnıñ toyıluın citkerde.

Ber kvadrat çaqrımda urın aluçı 40-80 million çikertkä ber köndä genä 35 meñ keşegä citäçäk azıq-tölekne yuqqa çığara ala.