AQŞta poliśiyä citäkçese - törek

Amerika Quşma ştatlarında täwge tapqır poliśiyä citäkçese itep törek millätendäge keşe bilgelände.

Paterson poliśiyä xezmätendä 32 yıl xezmät itkän İbrahim Mayk Baykora şähär xakimiyätendä tantanada ant itep räsmi räweştä wazıyfasına kereşte. Anda Törkiyäneñ diplomatik missiyä wäkilläre, N’yu-York häm N’yu-Djersidä yäşäwçe törek cämäğat’çelege äğ’zaları häm Baykoranıñ ğailäse belän yaqınnarı qatnaştı. Ant tantanası Amerika gimnı häm doğa belän başlandı.  

Çarada Paterson mêrı Andre Sayeg çığış yasap bolay dide: “Baykora Paterson şädäreneñ täwge törek, berençe möselman häm ximiyä injeneriyäse belemle poliśiyä mödire buldı”. Ul Baykoranıñ ozaq yıllar poliśiyä xezmätendäge tırışlıqları öçen bu wazıyfanı xaq itüen belderde. “Ul Amerika töşe, bügenge urınına üz köçe belän kilde. Bu Patersonnıñ ciñüe, Amerikanı öye dip sanawçı möhacirlärneñ ciñüe,”-dide mêr.

Baykora 228 yıllıq tarixi binada oyıştırılğan tantanada Qor’ängä qul quyıp ant itte. Şunnan soñ törekçä doğa uqıldı.