Äsäd rejimı 4 awılnı aldı

Süriyädä Bäşşar Äsäd rejimı köçläre häm İran taraflı terrorçı törkemnär İdlibneñ kön’yağında 4 awılnı qulğa töşerde. Alarğa hawadan Rusiyä suğışçıları da yärdäm itte.

Serakib rayonı tiräsendä häm Xälebnıñ İdlib kiyerenkelekne kimetü töbägendä qatı bäreleşlär däwam itä.

Xärbi oppoziśiyädän belderülärençä, rejim köçläre kiçä tönlä häm kön däwamında höcüm itep Serakib rayonındağı Cubas, San, Trenbe häm Neyrab awılların yawlap aldı. Şulay itep, alar Törkiyä qorallı köçläre urnaşqan cirgä ber yarım kilometrğa yaqınlaştı.

Rejim köçläre Xälebneñ könbatış qırlarındağı bäreleşlärdä dä alğa taba barırğa tırışa. Xärbi oppoziśiyä älegä alarnı tuqtattı. Äsäd rejimı monda küp sanda yuğaltularğa duçar buldı häm çigende.