Awrupa Berlege Qıtaydağı watandaşların êvakuaśyäli

Awrupa Berlege yaña tör koronavirus kizüe çıqqannan soñ Qıtaydağı yaqınça 600 watandaşın êvakuaśyäläw öçen xäzerleklär başladı. Berlek komissiyäseneñ krizis idaräse wäqalätlese Yanez Lenarçiç häm sälamätlek häm azıq-tölek qurqınıçsızlığı öçen cawaplı Stella Kiriakides Bel’giyä başqalası Brüssel’dä matbuğat cıyılışı oyıştırdı. Anda koronavirus kizüe belän bäyle êşçänlek turında mäğ’lümat birde.

Kiriakides äğ’za illär arasında koordinaśiyä alıp barıluın citkerde. Ul koronavirusqa qarşı däwa tabılmawın xäterlätte.  

Matbuğat cıyılışı Awrupa Berlegeneñ kizü belän bäyle “butalçıq häm daimi üzgärüçän” wäzğıyät’ne yaqınnan küzätep baruların belderdelär. Wäqalätlelär berlekneñ ğomum añlamda xäzer buluın häm taläp itelgän oçraqta öçençe illärgä mäğ’lümati häm başqa törle yärdäm kürsätä alaçaqların citkerde.  

Lenarçiç isä Qıtaydağı Awrupa Berlege watandaşlarınnan yaqınça 600 keşeneñ êvakuaśiyälänergä teläwen äytte. Oyışma alarnı illärenä qaytaru öçen kiräkle yärdäm belän täêmin itäçäk häm koordinaśiyä alıp baraçaq.