Qıtayda koronavirustan ülüçelär sanı arta

Qıtaynıñ Uxan’ qalasında çıqqan häm kizügä äwerelgän koronavirustan ildä ğomere özelgän keşe sanı 106 ğa citkän.

Milli sälamatlek saqlaw komissiyäse beldergänçä, älege virusnı 4 meñ 515 keşe yoqtırğan, alardan 976 sınıñ xälläre awır.

Monın belän bergä 6 meñ 973 keşeneñ koronavirus yoqtıruınnan şiklänälär.

Virus yoqtırğan keşelär belän êlemtädä buluları arqasında 44 meñ 132 keşe kontrol’ astında totıla.

Başqala Pekinda koronavirus belän çirläwçelär sanı 80 gä citkän. Alardan 14eneñ xälläre awır buluı belderelä.

Koronavirus kizüenä qarşı köräş çaraları qısasında barlıq mäktäplär häm yuğarı uqu yortlarında qışqı kanikullar ozınaytılğan.

17 şähärdä cämäğät' transoprtı waqıtlıça tuqtatılğan.