Şähärdän çığu tıyıla

Qıtaynıñ Vuxan şähäre yabıldı

Şähärdän çığu tıyıla

Qıtaynıñ Vuxan şähärendä yaña tör koronavirus kizüe arqasında aêroport häm poyızd stanśiyäläre kitüçe yulçılar öçen yabılaçaq, cämäğat’ transportı tuqtatılaçaq.

Wäqalätlelär yaqınça 9 million keşe yäşi torğan şähärdä watandaşlarğa toraq punkttan kitmäskä quşıp kisätü yasadı. Alar avtobus, metro, parom häm şähärlärarası transportnıñ 23nçe ğıynvardan başlap tuqtatıluın xäbär itte.

Virustan ülüçelärneñ sanı 17gä citte. Vuxan xalqın keşe küp urınnardan yıraq torırğa çaqırdılar.

Üpkä yalqınsınuına oxşağan älege yoğışlı awırudan vakśina yäisä daru älegä uylap tabılmadı. Anıñ kizügä äwerelüe cämäğat’çelekne qurquğa sala.

Koronavirusnı başlanğan urınına nisbätle “Vuxan virusı” dip atıylar. Ul sulış alu, yötkerü häm töçkerü aşa hawadan yoğa. Anıñ bilgeläre: yuğarı temperatura, tamaq awırtu, yötkerü, sulış tarlığı häm êç kitü. Alğa taba ul üpkä yalqınsınuı häm böyerneñ êştän çığuına kiterä dä ülem belän tögällänä.



Bäyläneşle xäbärlär