İran qara tartmalarnı Franśiyağa cibärä

İran hawa saqlanu sistemaları tarafınnan yalğışlıq belän bärep töşerelgän Ukraina hawa yulları oçqıçınıñ qara tarmasın Franśiyağa cibäräçäk.

İran grajdanlıq aviaśiyäse oyışmasınıñ qazalar ofisı ğomum mödire Xasan Rızayifer oçqıçnıñ qara tartma xäteren uqu öçen İranda mömkinleklärneñ citärlek bulmawın belderde.  

Ul:” Kanada, Franśiya, Amerika Quşma Ştatlarınnan qara tartmadağı mäğ’lümatlarnı alu öçen kiräkle programma cihazların İranğa cibärülären soradıq, ämma bu illär İrannıñ täq’dimen kire qaqtı”,-dide.  

 Rızayifer qara tartmanıñ dönyadağı tarafsız laboratoriyälärneñ bersendä uqu öçen Ukraina, Şveśiya, Angliya, Kanada häm AQŞ kebek illärgä cibärü qararı qabul itelüen belderep, “Qara tartmanı Franśiyada uqıtu qararına kilende. Bu 5 il dä moña röxsät birde”dide.