İndoneziyädä cir teträde

İndoneziyäneñ Tön’yaq Maluku töbägendä 5,3 ball zurlığında cir teträw buldı. İlneñ meteorologiyä, klimat häm geofizika oyışmasınnan belderülärençä, zilziläneñ üzäge Tobelo şähärenä 91 çaqrım yıraqlıqta dingezgä turı kilgän. Anı cir öslegennän 23 çaqrım tiränlektä terkägännär.

Cir teträwdä ülem-kitem häm matdi zarar turında älegä mäğ’lümat yuq.

Tın okean śunami kisätü üzäge, zilzilädän soñ śunami turında belderü yasamadı.

Maluku töbäge başqalası Ambonda 26nçı sentyabr’dä bulğan 6,8 ball zurlığındağı cir teträwdä 36 keşeneñ ğomere özelgän ide.