Pentagon İran höcüme turında söyläde
Kilgän zararnıñ zur bulmawı belderelä
AQŞ saqlanu ministrı Mark Êsper İrannan Ğıyraqtağı Amerika xärbiläre urnaşqan 2 bazağa kiçä tönlä 16 raketa cibärelüen häm alarnıñ kelät, avtopark, oçış yulları häm ber boralaqqa zarar birüen, ämma berkemne dä ütermäwen belderde. Pentagonda bu temağa matbuğat cıyılışı uzdı.
Êsper AQŞ belän Ğıyraqnıñ höcümnän alda bu xaqta mäğ’lümat aluı turındağı sorawğa cawap birmäde. Ul höcümneñ oçraqlı atışlar bulmawın assızıqladı. Aldan kisätü sistemaları alarnıñ täêsiren kimetkän.
Êsper şiğıy suğışçılar belän İrannıñ, niqadär ber-bersenä bäyle bulsa da, ayırım qaralırğa tiyeşlegen äytte. “İrannan turıdan-turı kürsätmä aluçı yäisä almawçı şiğıy suğışçan törkemnäreneñ aldağı çorda andağı barlığıbıznıñ astın säyäsi yäisä xärbi bularaq sızu öçen qayber adımnar yasawın kötäbez,”-dide AQŞ saqlanu ministrı.