Kiyek Qaz yulında ğayät' zur bolıt kürende
Ul dulqın räweşendä häm meñnärçä yaqtılıq yılı ozınlığında
1337182
Astronomnar Kiyek Qaz yulı galaktikasında dulqın räweşendä ğayät’ zur cisem kürep aldı. Älege mäğ’lümatnı Awrupa ğaläm agentlığınıñ “Gaia” yasalma iyärçene êşçänlege yärdämendä yasağan kartada kürälär. Annan añlaşılğança, Guld quşağı - 9 meñ yaqtılıq yılı ozınlığındağı tuzan häm gaz börmäseneñ ber öleşe.
Garvard universitetınıñ Rêdkliff perspektivalı tikşerenülär institurı astronomnarı êzlänüläre şunı açıqladı: dulqın räweşendäge bu ğayät’ zur qorılma 400 yaqtılıq yılı kiñlegendä. Galaktika diskınıñ urtasınnan 500 yaqtılıq yılı yuğarı häm asqa taba suzıla.
“Rêdkliff dulqını” iseme alğan älege açış “Kiyek Qaz galaktikasında tabılğan iñ zur gaz bolıtı” bularaq bäyälände.
