Rusiyäneñ hawa yulı şirkätlärenä kiñäşe

Rusiyä federal’ aviaśiyä agentlığı ilneñ hawa yulı şirkätlärenä Ğıyraq häm İrannıñ hawa kiñleklärendä oçmasqa kiñäş itte. Rosaviaśiyädän yasalğan yazmaça belderüdä älege däwlätlär, Farsı häm Oman qultıqları aşa oçunıñ xätär bula aluına basım yasala.

İrtänge säğat’lärdä Ukraina başqalası Kiyevqa oçuçı Boing İran başqalası Tähranda İmam Xumäyni aêroportınnan kütärelep qısqa waqıt uzuğa kilep töşte. Andağı 176 keşeneñ berse dä isän qalmadı.

İran xökümäte hälakätneñ oçqıçnıñ motorına ut qabu näticäsendä kilep çığuın, raketa belän bärep töşermäwlären belderde.