İranda Ukraina oçqıçı kilep töşte

İranda kilep töşkän Ukraina hawa yulları oçqıçındağı 180 keşedän berse dä isän qalmadı.

Boing 737 Tähranğa 40 çaqrım yıraqlıqtağı İmam Xumäyni aêroportınnan Ukrainanıñ başqalası Kiyevqa baru öçen quzğalğan. Anda 170 yulçı häm 10 keşelek êkipaj bula. Oçqıç hawağa kütärelgännän soñ beraz waqıt ütügä tübänäyä başlıy häm kilep töşä. Berençel mäğ’lümatlarğa qarağanda, oçqıçta texnik xilaflıq kilep çıqqan.

Qaza urınına yanğın sünderüçelär häm aşığıç yärdäm kitä. İran däwlät telekanalı “oçqıçta isän qaluçı yuq” dip belderde.