Avstraliyädäge yanğın

Avstraliyä külämendä sentyabr’ ayınnan birle däwam itüçe yanğın säbäple ğomere özelüçelär sanı 24kä citte, distälägän keşe yuqqa çıqtı. Ut ildä yaqınça 6 million gektar mäydannı, 2 meñ tiräse öyne köl itte.

Wäqalätlelär Yaña Kön’yaq Uêl’sta 135 törle noqtada yanğınnarnıñ täêsirle buluın häm bolardan yaqınça 70eneñ kontrol’ astına alınmawın belderde.  

Şul uq waqıtta, Avstraliyä xökümäte urman yanğınnarınnan barlıqqa kilgän yaralarnı bäyläw öçen närsä kiräk bulsa, şunı tülärgä äzer buluın belderde.

Xökümät räise Skott Morrison ilneñ törle noqtalarında täêsirle bulğan häm aylar buyı kontrol’ astına alınmağan yanğınnardan zarar kürgän cirleklärgä häm keşelärgä yärdäm öçen monnan alda wäğ’dä itelgän distälägän millionnarça dollarğa östäp tağın 2 milliard Avstraliyä dolları bülenäçägen belderde. Ul ut yoğıntısında qalğan cirleklärne tözekländerü êşçänlekläre öçen totılaçaq.

Morrison xärbi köymä häm oçqıçlarnıñ yanğın täêsire astında qalğan töbäklärdäge keşelärgä su, azıq-tölek häm yağulıq taşuın xäterlätte. İnjenerlar yanğın säbäple qaplanğan yullarnı qabat açu öçen tırışlıqların däwam itä.