“Ğıyraqnı saqlaw öçen xäzer bulığız”

Ğıyraqta Sadr xäräkäte liderı Mukteda äs-Sadr general Qasıym Söläymaninıñ AQŞ höcümendä üterelüennän soñ üz qulı astındağı Mäxdi armiyäse häm Yevm äl-Mävud brigadasına “Ğıyraqnı saqlaw öçen xäzer bulırğa” digän kürsätmä birde. Ul sośial’ media aşa yasağan belderüendä İrannıñ qayğısın urtaqlaştı.

Şiğıy lider fikerençä,  Söläymaninıñ nişanğa alınuı cihad, oppoziśiyä häm inqıylab ruxın yuqqa çığaru maqsatı belän êşlänä. “Ämma bu xäl bezneñ köräş häm täwäkkällelekne tuqtata almayaçaq,”-dide ul. Sadr Ğıyraq häm regionnıñ yanawlardan yıraq totılırğa tiyeşlegen assızıqlıy. Ul ğıyraqlılarnı aqıl belän xäräkät itärgä häm suyq qanlılıqnı saqlarğa çaqırdı.