Franśiyada pensiyägä çığu reformasına qarşı protest beldergännär

Franśiya başqalası Parijda ilbaşı Êmmanuêl Makron citäkçelegeneñ layıqlı yalğa çığu reformasına tağın ber tapqır rizasızlıq belderelgän.

Opera uramında uzğan çarada poliśiya belän protestçılar arasında talaş-ğawğa kilep çıqqan. Poliśiya protestçılarğa küzdän yäş’ çığaruçı gaz qullanğan.

İldä pensiyägä çığu reformasına qarşı 5 nçe dekabr’dä başlanğan êş taşlaw çarası 1986 nçı yıldan birle iñ ozaq däwam itkän protest çarası bulğan.

Franśiyada Yaña yıl yalları däwam itkän bu könnärdä başqala Parij bulu belän bergä başqa zur şähärlärdä ayıruça transport häm mediśina xezmätlärendä citdi külämdä problemalar küzätelä.

İlbaşı Êmmanuêl Makron häm xökümät layıqlı yalğa çığu reformasınnan waz kiçmäyäçägen beldersä dä hönärçelär berlekläre üz süzlärendä nıq tora.

Anketa näticälärenä kürä Franśiya xalqınıñ 57%ı pensiyägä çığu reformasına qarşı.