Bombalı xatlar
Niderlandnıñ qayber şirkätlärenä şartlatqıç quyılğan konvertlar kilgän
1334017
Niderlandnıñ başqalası Amsterdam, Rotterdam häm Utrext şähärlärendäge qayber şirkätlärgä êçenä şartlatqıç quyılğan paketlar cibärelde.
Poliśiyädän belderülärençä, soñğı ber atnada “bombalı xatlar” çirat buyınça Amsterdamdağı qunaqxanälärneñ bersenä, yağulıq stanśiyäsenä, Utrexttağı küçemsez milek şirkätenä häm Rotterdamdağı yağulıq stanśyäse belän avtokompaniyägä poçta belän cibärelgän. Paketlar şartlamağan. Belgeçlär äytüençä, şartlağan oçraqta citdi yaralanularğa kiterer ide.
Paketlarnıñ tışına cibärüçeneñ Rotterdamdağı “CİB” dip ataluçı şirkät buluı yazılğan. Ämma tikşerü barışında anıñ waqıyğa belän bäyläneşe yuqlığı açıqlandı. Şirkätneñ töp ofisına da kiçä şöbhäle konvert kilgän.