Keşelär yanğınnan diñgezgä qaçtı

Avstraliyädä urman häm bolınlıqlarnı çolğap lağan häm qayçaq cirläşü mäydannarına da çäçräwçe yanğınnar säbäple meñnärçä keşe sıyınu öçen diñgez qırıylarına qaçtı.

Ut Viktoriyä töbägendäge Mallakota yar buyı şähärçegenä yaqınlaştı. Anda yäşäwçe 4 meñläp keşe qomlıq, port häm köymälärgä küçende.  

Töbäkneñ xökümät räise Daniêl’ Êndryus cirlektä xafağa batqan keşelärne dingez yulı belän êvakuaśiyäläw plannarı barlığın belderde. Çönki ut çolğap alğan cirleklärgä su aşa barıp citärgä bula.

 Êndryus citkergänçä, töbäktä 4 keşedän xäbär-xäter yuq. Qayda buluları da bilgele tügel.

Wäqalätlelär êsselekneñ artuı, cil häm yäşennär täêsirendä Viktoriyä häm Yaña Kön’yaq Uêl’s töbäklärendä yanğınnarnıñ köçäyüen belderde. Korbargo şähärçegendä tağın 2 keşeneñ mäyete tabılğannan soñ ülüçelär sanı 12gä citte. Hälaq buluçılarnıñ öçeseneñ yanğın sünderüçe ikäne bilgele.