Paqıstan xökümäre rizasızlıq belderä

Paqıstanda xökümӓt Konstituŝion Mӓxkӓmӓgӓ mörӓcӓğat’ itӓçӓk.

Ğadӓlӓt ministrı Möxӓmmӓd Faruk Nasim monıň êlekke dӓwlӓt başlığı Pervez Müşerrefne ülem cӓzasına xökem itkӓn maxsus mӓxkӓmӓ sud’yalarınnan Peşaver Yuğarı mӓxkӓmӓse sud’yası Vakar Ӓxmӓt Setxneň wazifadan alınuı öçen başqarılaçağın açıqladı.

Maxsus mӓxkӓmӓneň ülem cӓzası belӓn bӓyle açıqlağan nigeznamӓle qararınnan soň matbuğat oçraşuı oyıştırğan Nasim nigeznamӓle qararda Setx qul quyğan bülektӓge “Müşerref ülem cӓzasına xökem itelgӓnçe ülsӓ, mӓyete 3 kön asılıp torsın” süzlӓrenӓ reaksiya kürsӓtte.

Setxneň aqıl sӓlamӓtlegeneň urınında bulmawın, şul rӓweşle sud’ya wazifasın da başqara almawın assızıqlağan ministr: “Sud’ya keşe mondıy qararnı niçek birer aňlıy almıym. Setx bu qararnı qabul itep, aqıl sӓlamӓtlegeneň urınında bulmawın kürsӓtte,” – dide.

Nasim sud’ya Setx açıqlawınıň keşe dӓrӓcӓsen saqlaw nigezenӓ, Töp qanun hӓm İslami qağidӓlӓrgӓ qarşı buluın ӓytte.

Ğadӓlӓt ministrı Paqıstandağı bernindi qanunda ğayeplӓnüçeneň yӓisӓ mӓyeteneň 3 kön asılğan kileş totu kebek maddӓneň bulmawın da assızıqladı.